Ano ang pagkakaibigan?

        Pagkakaibigan ay binubuo ng dalawang tao o higit pa na pinaniniwalaan at ginagabayan ang isa’t isa. Sila ay tumutulong at pinapasalamatan ang pagkakaroon ng kaibigan. Hindi sila mapakali kapag ang isa sa kanila ay hindi mahagilap ng kanilang mata. Ang isa’t isa ay sandalan kapag isa sa kanila ay may mabigat na problema.

        Marami na akong karanasan sa pagkakaroon ng kaibigan. Pero halos lahat ay katulad lamang ang hinahatngan na mag-aaway kami at hindi na magkakabati. Sa lahat ng mga sawi kong pagkakaibigan ang pinakamatagal na kaibigan ko ay si Althea. Tumagal kami ng higit dalawang taon bilang kaibigan. Baitang tatlo pa kami noon na naging kaibigan kami. Nagkakasundo kami sa lahat ng bagay at katulad rin kami ng nagugustuhan. Kung ano ang kakainin ko iyon rin ang kakainin niya. Para kaming magkapatid, mahalaga ang isa’t isa sa amin. Parati kaming magkasama na halos magkapalit na kami ng mukha. Dahil sa kanya araw-araw akong masaya at may ganang pumunta sa paaralan.

        Pero noong naging baitang lima kami, nagkaroon siya ng ibang kaibigan bukod sa akin. Na empluwensyahan siya sa mga ginagawa ng kanyang mga kaibigan. Na naging resulta nang hindi pagkakaintindihan at iba’t iba kami ng pananaw sa buhay. Masyado na siyang matandang mag-isip at ako naman ay laro lamang ang iniisip. Hanggang sa tumuntong na kami sa baitang anim. Tinigilan na namin ang aming pagkakaibigan dahil ito ang tama at wala ng rason para ipagpatuloy pa ang pagkakaibigan na wala namang magkaibigan. Nagpapansinan parin kami pero hindi na tulad ng dati. Para nalang kaming isang magkaklase at hindi na hihigit pa.

        Pero kahit ganun ang naging karanasan ko patuloy parin ako sa pagtitiwala at paghahanap ng kaibigan. Minsan ko na rin naranasang mag-isa. Kaya ayokong maging mag-isa na naman ako ngayong high school dahil napakalungkot na wala kang kaibigan na mapagsasabihan ng sikreto at kasabay mong kumain. Naging kaibigan ko sina Randy, Lady, Kint, Nianee at Jasmine. Dahil sa kanila hindi ko naranasan ang maging malungkot na naman. Parati nila akong pinapasaya at tinutulungan kapag may problema ako. Salamat sa kanila at hindi na ako mag-isa sa lahat ng masasayang nangyari sa buhay ko. Pahalagahan natin an gating kaibigan dahil sila ay nag-iisa lamang at hindi mo na makikita ang isang katulad nila sa iba.